മലപ്പുറം ജില്ലയിലെ വിവിധ സർക്കാർ സ്ഥാപനങ്ങളിൽ വന്നിരിക്കുന്ന താൽക്കാലിക ഒഴിവുകൾ താഴെ നൽകുന്നു. കേവലം ഇന്റർവ്യൂ മാത്രം അറ്റൻഡ് ചെയ്തുകൊണ്ട് നിങ്ങൾക്ക് ഈ ജോലികൾ കരസ്ഥമാക്കാം.
1. ഡാറ്റാ എൻട്രി ഓപ്പറേറ്റർ, JPHN നിയമനം
വണ്ടൂർ താലൂക്ക് ആശുപത്രിയിൽ ദിവസ വേതനാടിസ്ഥാനത്തിൽ ജൂനിയര് പബ്ലിക് ഹെല്ത്ത് നഴ്സ് (ജെ.പി.എച്ച്.എന്), ഡാറ്റാ എന്ട്രി ഓപ്പറേറ്റര് തസ്തികകളില് നിയമനം നടത്തുന്നു. ഗവ. അംഗീകൃത എ.എന്.എം കോഴ്സ് വിജയം, കേരള നഴ്സസ് ആന്റ് മിഡ് വൈഫ്സ് കൗൺസില് രജിസ്ട്രേഷൻ എന്നിവയാണ് ജെ.പി.എച്ച്.എന് വേണ്ട യോഗ്യത.
ഡാറ്റാ എന്ട്രി ഓപ്പറേറ്റര്ക്ക് ബിരുദം, പി.ജി.ഡി.സി.എ/ ഡി.സി.എ എന്നിവയാണ് യോഗ്യത. പ്രവൃത്തി പരിചയം ഉള്ളവര്ക്ക് ഇരു തസ്തികകളിലും മുന്ഗണന ലഭിക്കും.
സെപ്റ്റംബര് മൂന്നിന് രാവിലെ 10 ന് ജെ.പി.എച്ച്.എന് തസ്തികയിലേക്കും 10.30 ന് ഡാറ്റാ എന്ട്രി ഓപ്പേറേറ്റര് തസ്തികയിലേക്കും ഇന്റര്വ്യൂ നടക്കും. മെഡിക്കല് ഓഫീസറുടെ ഓഫീസില് വെച്ചാണ് ഇന്റര്വ്യൂ.
2. ഫാർമസിസ്റ്റ് ഒഴിവ്
മലപ്പുറം ജില്ലയിലെ വട്ടംകുളം കുടുംബാരോഗ്യ കേന്ദ്രത്തില് ഫാര്മസിസ്റ്റ് തസ്തികയിലേക്ക് അഡ്ഹോക്ക് വ്യവസ്ഥയില് നിയമനം നടത്തുന്നു. പ്ലസ്ടു/ തതുല്യ വിജയം, ഗവ. അംഗീകൃത ഡി.ഫാം, സംസ്ഥാന ഫാര്മസി കൗണ്സില് രജിസ്ട്രേഷന് എന്നിവയാണ് യോഗ്യത.
താല്പര്യമുള്ള ഉദ്യോഗാര്ഥികള് നിശ്ചിത യോഗ്യതാ സര്ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്പ്പുകളും ബയോഡാറ്റയും സഹിതമുള്ള അപേക്ഷ സെപ്റ്റംബര് രണ്ടിന് വൈകീട്ട് നാലു മണിക്കു മുമ്പായി കുടുംബാരോഗ്യ കേന്ദ്രം ഓഫീസില് സമര്പ്പിക്കണം. വാക് ഇന് ഇന്റര്വ്യൂ സെപ്റ്റംബര് മൂന്നിന് രാവിലെ 10.30 ന് വട്ടംകുളം കുടുംബാരോഗ്യ കേന്ദ്രത്തില് വെച്ച് നടക്കും.
3. ക്ഷേത്രത്തിൽ പാരമ്പര്യേതര ട്രസ്റ്റി നിയമനം
പൊന്നാനി താലൂക്കിലെ ശുകപുരം ദക്ഷിണാമൂർത്തി ക്ഷേത്രത്തിൽ പാരമ്പര്യേതര ട്രസ്റ്റിമാരുടെ ഒഴിവിലേക്ക് നിയമിക്കപ്പെടുന്നതിന് അർഹരായ തദ്ദേശവാസികളിൽ നിന്നും അപേക്ഷ ക്ഷണിച്ചു.
പൂരിപ്പിച്ച അപേക്ഷകൾ സെപ്റ്റംബര് 20 ന് വൈകീട്ട് അഞ്ചിന് മുമ്പായി തിരൂർ മിനി സിവിൽ സ്റ്റേഷനിൽ പ്രവർത്തിക്കുന്ന മലബാർ ദേവസ്വം ബോർഡ്, മലപ്പുറം അസിസ്റ്റന്റ് കമ്മീഷണറുടെ ഓഫിസിൽ ലഭിക്കണം. അപേക്ഷാ ഫോറത്തിനും വിശദ വിവരങ്ങൾക്കും മേല് ഓഫീസിലോ, വകുപ്പിന്റെ ഗുരുവായൂർ ഡിവിഷൻ ഇൻസ്പെക്ടറുടെ ഓഫീസിലോ ബന്ധപ്പെടാം.
